Cânân dileyen dağdağa-i câna düşer mi
Cân isteyen endîşe-i cânâne düşer mi
Girdik reh-i sevdâya cünûnuz bize nâmûs
Lâzım değil,ey dil ki bu iş şâne düşer mi
Âvâre-i Leylâ nazar etmez dü-serâya
Gâile-i ağyâr cünûnâne düşer mi
Almaz dile dîn bahsini meyhâre-i sevdâ
Aşka girişen mebhas-ı îmâna düşer mi
Ey cân seni cânâne fedâ eyledik evvel
Âhir ne çekiş beyle bu kurbâna düşer mi
Çek zahmeti ey dil tel-i tarrâre düşdün
Râhat dileyen zülf-i perîşâne düşer mi
Feryâd-ı hezârım heme dem ânın içündür
Ân olmasa erbâb-ı dil efgâna düşer mi
Bî-perde gözüm gördü yüzün eyleme nâziş
Nâz eylemek ey büt gül-i handâna düşer mi
Ey Mîr Nigârî taleb et kâm-ı azîzin
Elbette verir buhl kerem-kâna düşer mi
SEYYİD MÎR HAMZA NİGÂRÎ'in Notları Facebook
Hiç yorum yok:
Yorum Gönder